Hər kəs yaşadığı dövrdəki yaxşı insanları heç vaxt unutmur, onları xoş xatirələrdə yaşadır. Onlar haqqında ən gözəl kitabı Yaradanın özü yazmışdır. Belə adamların qəlbinə, könlünə İlahinin qüdrəti ilə elə qiymətli sözlər nəqş olunmuşdur ki, onları pozmaq mümkün deyildir. Zamanın özü də onları silib yox etmək iqtidarında deyildir.
Ardını oxu...
Mən işdə, istehsalatda Nəriman İsayevi güclü bir mütəxəssis, məsul rəhbər və yüksək mənəvi keyfiyyətlərə malik dəqiq insan, səmimi dost və həmkar kimi görüb tanımışam. Həmişə onu inamlı, pak niyyətli, hər an ünvanını və nüfuzunu gözləyən əsl kişi kimi görmüşəm.
Saday Quliyev
Nəriman İsayev elə bir dövlət işçisi idi ki, o, həmişə və hər yerdə dövlət tapşırıqlarının, qəbul olunmuş qərar və sərəncamların yerinə yetirilməsinə ciddi fikir verərdi. O, intizamı sevən, obyektiv rəhbər işçi idi.
Kamil Məmmədov
