Hər kəs yaşadığı dövrdəki yaxşı insanları heç vaxt unutmur, onları xoş xatirələrdə yaşadır. Onlar haqqında ən gözəl kitabı Yaradanın özü yazmışdır. Belə adamların qəlbinə, könlünə İlahinin qüdrəti ilə elə qiymətli sözlər nəqş olunmuşdur ki, onları pozmaq mümkün deyildir. Zamanın özü də onları silib yox etmək iqtidarında deyildir.

Ardını oxu...

Mən hesab edirəm ki, həmkarım, dostum olan Nəriman Ağaxan oğlu İsayev həyatın enişli-yoxuşlu yollarında çox şey görmüş, çox sınaqdan çıxmış, məhrumiyyətin acısını dadsa da, sevindiyi günlər daha çox olmuşdur.

Ağasəf Əliyev

Ləyaqətli kadrların yetişdirilməsində əvəzsiz xidməti vardır…

Qurban Soltanov

keçmiş sənaye tikinti naziri və bugünkü "Azqur" Səhmdar Cəmiyyətinin ilk yaradıcısı

“Əməksevərlik və çeviklik, mərdlik və yorulmazlıq kimi yüksək əxlaqi keyfiyyətlərdən söz düşəndə, mən bu gün də ilk öndə Nəriman İsayevin adını çəkirəm. Çünki, təxminən bir qərinə bundan əvvəl ilk dəfə tanış olub, həm də işə qəbul etdiyim gənc kadrlardan biri də Nəriman İsayev olub və mən onu lap yaxından tanımışam, onun nəyə qadir olduğunu görmüşəm. Hesab edirəm ki, Nəriman İsayevin Azərbaycan tikinti kompleksində xüsusi payı var və doğrudan da çox iş görüb. Xüsusilə, bizim Quraşdırma Nazirliyimizin inkişaf etməsində, ləyaqətli kadrların yetişdirilməsində Nəriman müəllimin əvəzsiz xidməti vardır”.