...Tikdim ki, izim qala

 Nəriman İsayevi tanıyanlar bilirlər ki, o, çox mütaliə edər, bədii əsərlər oxuyardı. Təsadüfi deyildir ki, Nəriman müəllimin diqqəti cəlb edən xüsusi ev kitabçası vardır.

“Nəriman Ağaxan oğlu İsayevi hələ tələbəlik illərindən tanıyıram. Onda mən Politexnik İnstitutunda oxuyurdum. Böyük qardaşım Saleh Hacıyev nazir vəzifəsində işləyirdi.

Не могу не вспомнить его прекрасную игру на гобое, таре, фортепиано. Будучи музыкально одаренным, Нариман обладал абсолютным слухом, любил как азербайджанскую, так и европейскую музыку. Окончив технический вуз, он также прекрасно знал литературу и историю.

Nəriman İsayev tikintinin quraşdırma sahəsində uzun müddət işləmiş şəxslərdən biridir. Məhz onun səyi, qayğısı, səriştəsi və təcrübəsi sayəsində, metaldan, dəmirdən tələb olunan hər bir şeyi düzəltmək qabiliyyətinə malik olan quraşdırıcılar yetişdirildi.

Nəriman İsayev ləyaqətli insan idi. O, ağsaqqal sözünü eşidən, böyük-kiçik yerini bilən əsl Allah adamı idi. O, kəsdiyi çörəyə sona qədər sadiqliyi ilə həmkarlarından və həmyaşıdlarından seçilərdi. Onun bu cür keyfiyyətə malik olması çox az kişilərdə olardı.

Çox söhbətcil adam idi. Söhbətində çox dəqiq və səlisliyə ciddi fikir verərdi. Hər bir fikrini, ideyasını və təklif, rəyini əsaslı surətdə ortaya qoyardı. Ən çox atalar sözünə, hikmətli kəlamlara üstünlük verərdi.

Nəriman müəllim harada və nə vəzifədə işləmişdirsə, bir qayda olaraq keyfiyyətli işi, sağlam düşüncəsi, obyektiv hərəkəti və davranışı ilə çoxlarına nümunə olmuşdur. Bir sözlə desək, Nəriman İsayev əsl azərbaycanlı kişisi, Vətən oğludur.

Ulu Tanrımız bilir ki, Nəriman İsayev işıqlı dünyamızda pak, mübarək və özündə daim məsuliyyət hiss edən bir şəxs kimi yaşamış, saf, təmiz adamlar arasında işləyərək paklıq nümunəsi olmuşdur.

Kür su kəmərinin çəkilişində, Sumqayıtda tikilmiş kimya müəssisələrində, salınan yeni mikrorayonlarda tikilib istifadəyə verilmiş bütün obyektlərdə Nəriman İsayevin əməyinin izləri vardır.

Peyğəmbər (s) buyurmuşdur: "İnsanların ən yaxşısı – insanlar üçün daha çox xeyirli olanlarıdır". Mənə elə gəlir ki, ən dəyərli işçilər arasında məhz insanlara faydalı olan, insanlara xoşməramlı işləri ilə xidmət edənlərdən biri də Nəriman İsayev olmuşdur.

Dostumuz və həmkarımız Nəriman İsayev, insanlara qayğı göstərmək, Azərbaycan vətəndaşlarının firavan yaşaması üçün var-qüvvəsini sərf etmiş dəyərli mütəxəssislərdən, unudulmayan rəhbər işçilərdən biridir.

Nəriman İsayev öz xalqına, vətəninə, doğma Bakısına bağlı adam idi. Heç vaxt yalan danışmazdı, boş vədlər verməzdi. Boşboğazlara, hay-küy salanlara qarşı amansız idi. Hesab edirəm ki, o özü başdan-ayağa böyük bir məktəb idi.

Mən Nəriman İsayevlə əlaqədar ürəkaçan faktlardan çox danışa bilərəm. Axı Nəriman İsayev sözün əsl mənasında müəllim, ustad, xeyirxah insan idi. Mən həyatda, istehsalatda Nəriman müəllimdən dərs almışam. Məhz ondan çox şeylər öyrənmişəm.

Düşünürəm ki, Nəriman müəllim işıqlı dünyaya qədəm basandan etibarən düşünən, öz-özünü qiymətləndirməyi bacaran insan olmuş və heç zaman özünü digərlərindən yüksəkdə saxlamamışdır. Bunun bir səbəbi də odur ki, o, hələ uşaqlıq vaxtından sadə olmuş, sadə böyümüşdü.

Nəriman müəllim bizə təkcə necə işləmək yollarını deyil, necə yaşamaq yollarını da öyrətmişdir. Məhz onun qayğısı, köməyi sayəsində mən hökumət postuna çatdım. Mən rabitə naziri vəzifəsinədək yüksələ bildim. Çünki mənim həyat müəllimim Nəriman İsayev mənə zəmanət vermişdi...

Hər kəs yaşadığı dövrdəki yaxşı insanları heç vaxt unutmur, onları xoş xatirələrdə yaşadır. Onlar haqqında ən gözəl kitabı Yaradanın özü yazmışdır. Belə adamların qəlbinə, könlünə İlahinin qüdrəti ilə elə qiymətli sözlər nəqş olunmuşdur ki, onları pozmaq mümkün deyildir. Zamanın özü də onları silib yox etmək iqtidarında deyildir.

Ümumiyyətlə, Nəriman müəllim heç zaman özü haqqında yüksək fikirə düşməzdi və başqalarına da aşağı nəzərlə baxmazdı. Elə buna görə də Nəriman müəllim hamı tərəfindən təvazökar bir insan kimi sevilmişdir.

O, harada və nə vəzifədə işləyibsə, hər zaman yenilikçi olub, çoxlu mütərəqqi üsullarının Azərbaycanda yayılmasına nail olubdur. Bakının işıqlandırılması, mövcud elektrik xətlərinin təzələnməsi və əsaslı təmiri kimi mühüm işlərə ciddi fikir vermişdir.

O, qələm sahiblərinin ən yaxın dostu idi. Bizim qəzetə tez-tez müsahibələr verir, qəzetimizi abunə yazılışında fəal iştirak edirdi. Mən hesab edirəm ki, sadəlik, mərifət və ziyalılığın xəfif vəhdəti Nəriman İsayevin daxilində birləşmişdi.

O, dostluqda sədaqətli adam idi. Nəriman İsayev yaxşı adam idi. O, Azərbaycan üçün çox və misilsiz işlər görmüşdür.

Nəriman müəllim tikinti materialları sənayesi naziri vəzifəsində işləyəndə də bizlərə çox yaxından köməklik göstərmişdir. Mən onunla həmişə sıx əlaqədə olmuşam. Həmişə iclas və müşavirələrdə, Ali Sovetin sessiyasında bir yerdə olardıq, söhbətləşib dərdləşər və məsləhətləşərdik.

Hesab edirəm ki, Nəriman İsayevin Azərbaycan tikinti kompleksində xüsusi payı var və doğrudan da çox iş görüb. Xüsusilə, bizim Quraşdırma Nazirliyimizin inkişaf etməsində, ləyaqətli kadrların yetişdirilməsində Nəriman müəllimin əvəzsiz xidməti vardır.

Tikinti ilə məşğul olan baş idarə və nazirliklərlə ümumi razılığa gələ bilsək də, tikinti işlərini sürətlə aparmaqdan ötrü xeyli sement, daş, taxta materialları və s. lazım idi. Onda Nəriman İsayev respublika tikinti materialları sənayesi naziri idi. Biz ona müraciət etdik.

1953-1954-cü illərdə "Qipromorneft" institutunda işlədiyi vaxtda tikinti təşkilatları ilə sıx əlaqə saxlayardı və bizim sahə qəzetimizə tez-tez baş çəkərdi. Elə bu səbəbə görə biz Nəriman İsayevi uzun illər redaksiya heyətinin üzvü seçmişdik.

Nəriman İsayevlə birgə işləyib, necə deyərlər, dağı-dağ üstə qoymaq olar.

nsana, bəşər övladına diqqət yetirmək, insanlara qarşı diqqətcil olmaq Nəri-man müəllimi qanında, canında vardı. Atalar doğru deyiblər ki, quyuya su tökməklə sulu olmaz. İn-sanda mərifət, qanacaq, əxlaqi keyfiyyətlər lap uşaqlıq dövründən, ailədən gəlir. Lap Nəriman müəllimdəki kimi...”

O, ali məktəb partası arxasında bizə öyrədilməyən çox şeyləri mənə və mənim həmkarlarıma, həmyaşıdlarıma öyrətmiş, bizi başa salmış, öz yetirmələri ilə daima qürrələnmişdir. Biz də öz növbəmizdə həmişəki kimi bu gün də öz ustadımızın adı və soyadı ilə fəxr edirik.

Nəriman İsayev haqqında danışmaq istəyəndə ötən əsrin 70-80-сi illərini, daha dəqiq desəm "Elou-Avt" obyektinin tikintisində onun rəhbəri olduğu Azərbayсan "Xüsusitikintiquraşdırma" Nazirliyinin gördüyü dəyərli, sanballı işlər gözlərim qarşısında сanlandı.

Nəriman İsayev haqqında xatirələri danışmaq istəyəndə gözlərim qarşısında ötən əsrin 70-80-ci illərində ölkəmizdə aqrar sahədə aparılan nəhəng işlər canlandı. Həmin işlərin uğurla görülüb başa çatdırılmasında Nəriman müəllimin xüsusi əməyi danılmazdır.

Həmin illərdə mən Nəriman İsayevlə tez-tez görüşür, onunla məsləhətləşir, ondan gözəl, ağıllı məsləhətlər alırdım. Bəli, Nəriman İsayev xeyirxah insan olduğu üçün, xeyirli məsləhətlər də verirdi. Elə bu səbəbdəndir ki, bu gün xalqımız Nəriman İsayevi unutmur.

Gəlin açıq danışaq. Ölkəmizdə Nərimansevərlərin sayı çoxdur. Niyə? Ona görə ki, Nəriman İsayev zaman-zaman öz xalqına, Azərbaycan dövlətinə ləyaqətlə xidmət göstərmiş, sözübütöv və işgüzarlığı ilə həmkarları, həmyaşıdları arasında seçilmişdir.

Bir anlığa tarixə nəzər salsaq, dəyərli arxiv materiallarından bəhrələnsək, son nəticə belə olacaqdır: yerüstü sivilizasiyanın ilk nümayəndələrinin fitrətən malik olduqları peşə - tikmək, qurmaq, quraşdırmaq, abadlaşdırmaqla məşğul olan bugünkü inşaatçı peşəsidir.